காலி – புஸ்ஸ பிந்தாலிய புகையிரத கடவையில் மோட்டார் சைக்கிள் ஒன்று புகையிரதத்துடன் மோதி இடம்பெற்ற கோர விபத்தில் மூன்று இளைஞர்கள் உயிரிழந்துள்ளனர்.
மருதானையில் இருந்து மாத்தறை நோக்கி நேற்று மாலை பயணித்த புகையிரதத்தில் மோதியதில் இந்த விபத்து இடம்பெற்றுள்ளதாக பொலிஸார் தெரிவித்துள்ளனர்.
விபத்தில் உயிரிழந்த மூன்று இளைஞர்களும் 17 முதல் 19 வயதுக்கு இடைப்பட்டவர்கள் எனப் பொலிஸார் தெரிவித்துள்ளனர்.
குறித்த விபத்தின் போது இளைஞன் ஒருவர் சம்பவ இடத்திலேயே உயிரிழந்துள்ளதுடன் மற்றைய இருவர் கராப்பிட்டிய போதனா வைத்தியசாலைக்கு கொண்டுச் சென்ற போது உயிரிழந்துள்ளதாக தெரிவிக்கப்படுகின்றது.
வெசாக் அலங்காரங்களை பார்வையிடச் சென்ற போதே இந்த விபத்துக்கு முகங்கொடுத்துள்ளதாகவும் பொலிஸார் தெரிவித்துள்ளனர்.
உயிரிழந்த மூவரும் கெக்கில்லமண்டிய பிரதேசத்தை சேர்ந்தவர்கள் என்பதுடன், மூவரும் உறவினர்கள் எனவும் தெரிவிக்கப்பட்டுள்ளது. இந்த நிலையில், விபத்து தொடர்பான மேலதிக விசாரணைகள் முன்னெடுக்கப்பட்டு வருவதாக பொலிஸார் தெரிவித்துள்ளனர்.
