ஷார்ஜாவில் நேற்றைய தினம் நடைபெற்ற முதல் ஒரு நாள் போட்டியில் தென்னாப்பிரிக்காவை 106 ஒட்டங்களுக்குள் சுருட்டிய ஆப்கானிஸ்தான் அணி 6 விக்கெட் வித்தியாசத்தில் வெற்றி பெற்றது.
இந்த ஆட்டத்தில் பந்து வீச்சில் ஃபரூக்கி 35 ஓட்டங்களுக்கு 4 விக்கெட்டுகளையும், ஏஎம் கசன்ஃபர் 20 ஓட்டங்களுக்கு 3 விக்கெட்டுகளையும் கைப்பற்றினர்.
சர்வதேச கிரிக்கெட் அரங்கில் ஒருநாள் போட்டி ஒன்றில் ஆப்கானிஸ்தான் அணி, தென்னாப்பிரிக்காவை வீழ்த்திய முதல் சந்தர்ப்பம் இதுவாகும்.
இந்த வெற்றியின் மூலம் ஆப்கானிஸ்தான், ஒருநாள் கிரிக்கெட் வடிவத்தில் அனைத்து அணிகளுக்கும் எதிராக வெற்றியை பதிவு செய்துள்ளது.
அண்மையில் 2024 ஐசிசி ஆண்கள் டி20 உலகக் கிண்ணத்தின் அரையிறுதியில் தென்னாப்பிரிக்காவுக்கு எதிராக ஆப்கானிஸ்தான் 56 ஓட்டங்களுக்கு ஆட்டமிழந்திருந்தமையும் குறிப்பிடத்தக்கது.
