பெய்ரூட்டில் திங்களன்று (07) இஸ்ரேல் நடத்திய வான்வழித் தாக்குதலில் ஹெஸ்பொல்லாவின் தளவாடத் தலைமையகத்தின் தளபதி சுஹைல் ஹுசைன் ஹுசைனி (Suhail Hussein Husseini) கொல்லப்பட்டதாக இஸ்ரேல் பாதுகாப்புப் படை தெரிவித்துள்ளது.
அவர் குழுவின் உயர்மட்ட இராணுவ அமைப்பான ஹிஸ்புல்லாவின் ஜிஹாத் கவுன்சிலின் உறுப்பினராகவும் இருந்தார்.
ஈரானுக்கும் ஹெஸ்பொல்லாவுக்கும் இடையிலான ஆயுத பரிமாற்றங்களில் ஹுசைனி முக்கிய பங்கு வகித்தார்.
மேலும் இந்த ஆயுதங்களின் போக்குவரத்து மற்றும் ஒதுக்கீடு ஆகிய இரண்டையும் மேற்பார்வையிட்டு, மேம்பட்ட ஆயுதங்களை ஹெஸ்பொல்லாவின் பிரிவுகளுக்கு விநியோகிக்கும் பொறுப்பாளராகவும் அவர் இருந்ததாக இஸ்ரேலிய பாதுகாப்பு படை கூறியுள்ளது.
தெற்கு லெபனானில் திங்களன்று 120 இலக்குகள் மீது 100 க்கும் மேற்பட்ட விமானங்களைப் பயன்படுத்தி இஸ்ரேலிய பாதுகாப்பு படைகள் தாக்குதல்களை நடத்திய ஒரு நாள் கழித்து இந்த அறிக்கை வந்துள்ளது.
