கொழும்பின் மூன்று கரையோரப் பகுதிகளில் பொலிஸாரால் மேற்கொள்ளப்பட்ட போதைப்பொருள் ஒழப்பு நடவடிக்கையின் போது, இரண்டு பெண்கள் உட்பட மொத்தம் 28 பேர் கைது செய்யப்பட்டுள்ளனர்.
இந்த நடவடிக்கையானது ஜம்பெட்டா தெரு, புனித அந்தோனியார் வீதி மற்றும் இரத்தினம் வீதி பகுதியை உள்ளடக்கிய வகையில் மேற்கொள்ளப்பட்டுள்ளது.
இதன்போது, கைதான சந்தேக நபர்களிடமிருந்து,12,900 மில்லி கிராம் ஐஸ், 5,900 மில்லி கிராம் ஹெரோயின், 10 கிராம் கஞ்சா ஆகிய போதைப்பொருட்கள் மீட்கப்பட்டுள்ளன.
கைதான சந்தேக நபர்களை நீதிமன்றில் ஆஜர்படுத்தவும் நடவடிக்கை எடுக்கப்பட்டுள்ளதாக பொலிஸார் குறிப்பிட்டுள்ளனர்.
