வடக்கு கிழக்கில் இம்முறை தேர்தல்களத்தில் உள்ள கட்சிகளில் பலமான கூட்டமைப்பாகவும் தமிழ்மக்களுக்கான மாற்றுத்தெரிவாகவும் ஜனநாயக தமிழ்த்தேசிய கூட்டமைப்பு இருப்பதாக வன்னிமாவட்ட வேட்பாளர் சிவசக்தி ஆனந்தன் தெரிவித்துள்ளார்.
இன்று வவுனியாவில் இடம்பெற்ற ஊடக சந்திப்பில் அவர் இவ்வாறு தெரிவித்திருந்தார்.
வன்னியில் ஜனநாயக தமிழ்த்தேசிய கூட்டமைப்பு இங்கு போட்டியிடுகின்ற கட்சிகளைவிட அதிகூடிய வாக்குகளை பெற்று மூன்று ஆசனங்களை பெற்றுக்கொள்ளும்வாய்ப்புக்கள் இருக்கிறது.
இன்று தேர்தல்களத்தில் உள்ள கட்சிகளில் பலமான கட்சியாகவும் கூட்டமைப்பாகவும், ஜனநாயக தமிழ்த்தேசிய கூட்டமைப்பு உள்ளதுடன் கடந்தகாலங்களில் அனைவரும் தமிழ்த்தேசிய கூட்டமைப்பாக பயணித்த அந்தகட்சி இன்று நிலைகுலைந்து சின்னாபின்னமாக்கப்பட்டுள்ளது.
அந்த நிலையில் தமிழ்மக்களுக்காக இன்று இருக்கக்கூடிய மாற்றுத்தெரிவு ஜனநாயக தமிழ்த்தேசிய கூட்டமைப்பு மக்களின் பல பிரச்சனைகள் இங்கு தீர்க்கப்படவில்லை. தங்களின் பிரச்சனைகளை தீர்க்க எந்த ஒரு தரப்பும் முன்வரவில்லை என்று பொதுமக்கள் ஆதங்கம் தெரிவிக்கின்றனர்.
அத்துடன் புதிய அரசாங்கம் சோசலிசம் சமத்துவம் என்ற கொள்கையை முன்னிறுத்தி ஆட்சியை முன்னெடுக்கிறது. இது சிங்களமக்களுக்கு பொருத்தமாக இருக்கும் ஆனால் தமிழ்மக்களுக்கு பொருத்தமில்லாத ஒன்று.
மேலும் \எமக்கு நீண்டகால பிரச்சனை உள்ளது. சுயநிர்ணய உரிமைக்காக தொடர்ச்சியாக எமது மக்கள் போராடிக்கொண்டிருக்கிறார்கள். எனவே இந்த பிரச்சனையை தீர்ப்பதற்கு நடைமுறைக்கு சாத்தியமான ஒரு விடயத்தை அரசாங்கம் முன்னெடுக்கவேண்டும் எனவும் அவர் தெரிவித்துள்ளார்
@athavannews தமிழ்மக்களுக்கான மாற்றுத்தெரிவாக ஜனநாயக தமிழ்த்தேசிய கூட்டமைப்பு!
