19 வயதுக்குட்பட்ட மகளிருக்கான உலக கிண்ண இருபதுக்கு 20 கிரிக்கெட் தொடரின் 11 ஆவது போட்டியில் நைஜீரியா மகளிர் அணி நியூசிலாந்து மகளிர் அணியை வீழ்த்தி வரலாற்று வெற்றியைப் பதிவுசெய்துள்ளது.
அதன்படி அந்த அணி 2 ஓட்டங்கள் வித்தியாசத்தில் ஆபார வெற்றிபெற்றுள்ளது
மழை காரணமான இந்த போட்டி 13 ஓவர்களுக்கு மட்டுப்படுத்தப்பட்டதுடன் போட்டியின் நாணய சுழற்சியில் வெற்றிபெற்ற நியூசிலாந்து மகளிர் அணி முதலில் களத்தடுப்பில் ஈடுபடத் தீர்மானித்தது.
இதன்படி முதலில் துடுப்பெடுத்தாடிய நைஜீரியா மகளிர் அணி 13 ஓவர்கள் நிறைவில் 6 விக்கெட்டுகளை இழந்து 65 ஓட்டங்களைப் பெற்றுக்கொண்டது.
இந்தநிலையில் 66 ஓட்டங்கள் எனும் வெற்றி இலக்கை நோக்கித் துடுப்பெடுத்தாடிய நியூசிலாந்து மகளிர் அணி 6 ஓவர்கள் நிறைவில் 63 ஓட்டங்களை மாத்திரமே பெற்று தோல்வியைத் தழுவியமை குறிப்பிடத்தக்கது
