20க்கு20 உலகக் கிண்ண கிரிக்கட் போட்டியின் இலங்கை மற்றும் பங்களாதேஷ் அணிகளுக்கிடையிலான தீர்க்கமான போட்டி நாளை நடைபெறவுள்ளது.
இலங்கை – பங்களாதேஷ் போட்டி இலங்கை நேரப்படி நாளை காலை 6 மணிக்கு ஆரம்பமாகவுள்ளது
அதன்படி டல்லாஸில் உள்ள Grand Prairie மைதானத்தில் இந்த போட்டி நடைபெறவுள்ளதுடன், கடந்த சில நாட்களாக மைதானத்தை சுற்றி வெப்பநிலை 35 டிகிரி செல்சியஸ் வெப்பம் பதிவாகியுள்ளதாக தெரிவிக்கப்பட்டுள்ளது
இதேவேளை, நாளைய தினம் இலங்கை அணியில் இரண்டு மாற்றங்கள் இடம்பெறவுள்ளதாக தெரிவிக்கப்படுகின்றது.
அதற்கமைவாக, அனுபவம் வாய்ந்த வீரர்கள், மேற்கொள்ள வேண்டிய மாற்றங்கள் குறித்து கலந்துரையாடி முடிவெடுத்ததாகவும், அவர்கள் நல்ல மனநிலையில் இருப்பதாகவும் தெரிவிக்கப்பட்டுள்ளது
மேலும் இலங்கைக்கும் பங்களாதேஷ் அணிக்கும் இடையில் இதுவரை 16 சர்வதேச 20க்கு20 போட்டிகள் இடம்பெற்றுள்ளதுடன் அதில் இலங்கை 11 போட்டிகளில் வெற்றி பெற்றுள்ளது.
