சர்வதேச கிரிக்கெட் வரலாற்றில் 27, 000 ஒட்டங்களைக் குவித்த 4வது வீரர் என்ற மாபெரும் சாதனையை இந்திய அணியின் நட்சத்திர வீரரான விராட் கோலி விரைவில் படைக்கவுள்ளார் எனத் தெரிவிக்கப்படுகின்றது.
இந்திய கிரிக்கெட் அணி அடுத்ததாக சொந்த மண்ணில் வங்காளதேசத்திற்கு எதிராக 2 போட்டிகள் கொண்ட டெஸ்ட் தொடரில் விளையாடவுள்ளது. அதன்படி இவ்விரு அணிகளுக்கு இடையிலான முதலாவது டெஸ்ட் போட்டி வரும் 19-ஆம் திகதி சென்னை சேப்பாக்கம் மைதானத்தில் நடைபெறவுள்ளது.
இந்த தொடரில் விராட் கோலி சர்வதேச கிரிக்கெட் வரலாற்றில் 4-வது வீரராக மாபெரும் சாதனை படைக்க வாய்ப்புள்ளது.
சர்வதேச கிரிக்கெட் வரலாற்றில் விராட் கோலி இதுவரை 591 இன்னிங்ஸ்களில் விளையாடி 26942 ஓட்டங்களைக் குவித்துள்ளார். இவர் இந்த தொடரில் 58 ரன்கள் அடிக்கும் பட்சத்தில் சர்வதேச கிரிக்கெட் வரலாற்றில் 27,000 ஓட்டங்கள் குவித்த 4வது வீரர் என்ற மாபெரும் சாதனையை படைப்பார்.
இந்த பட்டியலில் முதல் 3 இடங்களில் முறையே சச்சின் டெண்டுல்கர், குமார் சங்கக்கரா மற்றும் ரிக்கி பாண்டிங் ஆகியோர் உள்ளமை குறிப்பிடத்தக்கது.
