தென் அமெரிக்க நாடான வெனிசுவேலாவை அமெரிக்காவின் ஒரு மாநிலமாகச் சித்தரிக்கும் சர்ச்சைக்குரிய வரைபடம் ஒன்றை ஜனாதிபதி டொனால்ட் ட்ரம்ப் தனது ‘ட்ரூத் சோஷியல்’ தளத்தில் பதிவிட்டுள்ளார்.
அந்த வரைபடத்தில் வெனிசுவேலா நாட்டிற்குள் அமெரிக்கக் கொடி இடம்பெற்றுள்ளதுடன், “51-வது மாநிலம்” எனவும் குறிப்பிடப்பட்டுள்ளது.
உயர்மட்ட மாநாடு ஒன்றில் பங்கேற்பதற்காக ட்ரம்ப் சீனாவிற்கான பயணத்தை மேற்கொண்டுள்ள நிலையில், இந்தப் பதிவை வெளியிட்டு பரபரப்பை ஏற்படுத்தியுள்ளார்.
எண்ணெய் வளம் மிக்க வெனிசுவேலாவை அமெரிக்காவின் புதிய மாநிலமாக மாற்றுவது குறித்துப் பரிசீலிப்பதாகத் ட்ரம்ப் தெரிவித்திருந்த நிலையில், வெனிசுவேலாவின் இடைக்கால ஜனாதிபதி டெல்சி ரோட்ரிக்ஸ் (Delcy Rodríguez) இதற்குத் திட்டவட்டமாக மறுப்புத் தெரிவித்துள்ளார்.
தமது நாடு ஒருபோதும் அமெரிக்காவின் மாநிலமாக மாறாது எனத் தெரிவித்துள்ள அவர், புதிய தேர்தல் எப்போது நடக்கும் என்ற கேள்விக்கு “எப்போதாவது நடக்கும்” எனப் பதிலளித்துள்ளமை குறிப்பிடத்தக்கது.
