இந்தியா மற்றும் இலங்கை அணிக்கெதிரான முதலாவது டெஸ்ட் போட்டியின் முதல்நாள் ஆட்டம் நிறைவுக்கு வந்துள்ளது.
இதன்படி முதல் இன்னிங்ஸிற்காக துடுப்பெடுத்தாடிவரும் இந்தியக் கிரிக்கெட் அணி, நேற்றைய முதல்நாள் ஆட்டநேர முடிவில், 6 விக்கெட்டுகள் இழப்புக்கு 357 ஓட்டங்களை பெற்றுள்ளது.
ஆட்டநேர முடிவில், ரவீந்திர ஜடேஜா 45 ஓட்டங்களுடனும் அஸ்வின் 10 ஓட்டங்களுடனும் ஆட்டமிழக்காது களத்தில் இருந்தனர்.
மொஹாலியில் நேற்று (வெள்ளிக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற இந்தியக் கிரிக்கெட் அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய இந்தியக் கிரிக்கெட் அணி, நேற்றைய முதல்நாள் ஆட்டநேர முடிவில், 6 விக்கெட்டுகள் இழப்புக்கு 357 ஓட்டங்களை பெற்றது.
இதன்போது மாயங் அகர்வால் 33 ஓட்டங்களுடனும் ரோஹித் சர்மா 29 ஓட்டங்களுடனும் ஹனுமா விஹாரி 58 ஓட்டங்களுடனும் விராட் கோஹ்லி 45 ஓட்டங்களுடனும் ஆட்டமிழந்தனர்.
மேலும், ரிஷப் பந்த் 98 ஓட்டங்களுடனும் ஸ்ரேயஸ் ஐயர் 27 ஓட்டங்களுடனும் ஆட்டமிழந்தனர்.
இலங்கை கிரிக்கெட் அணியின் பந்துவீச்சில், லசித் எம்புல்தெனிய 2 விக்கெட்டுகளையும் சுரங்க லக்மால், விஷ்வ பெனார்டோ, லஹிரு குமார மற்றும் தனஞ்சய டி சில்வா ஆகியோர் தலா 1 விக்கெட்டினை வீழ்த்தினர்.
இன்னமும் 4 விக்கெட்டுகள் வசமுள்ள நிலையில், போட்டியின் இரண்டாம் நாள் ஆட்டத்தை இந்தியக் கிரிக்கெட் அணி இன்று தொடரவுள்ளது.
