மியாமி பகிரங்க டென்னிஸ் தொடரில், இரண்டாவது சுற்றில் அவுஸ்ரேலிய வீரர் நிக் கிர்கியோஸ் மற்றும் செக் குடியரசின் பெட்ரா கிவிட்டோவா ஆகியோர் வெற்றிபெற்று மூன்றாவது சுற்றுக்கு தகுதிபெற்றுள்ளனர்.
ஆண்களுக்கான ஒற்றையர் பிரிவு இரண்டாவது சுற்றுப் போட்டியில், அவுஸ்ரேலியாவின் நிக் கிர்கியோஸ், ரஷ்யாவின் ஹென்ரி ரூபெல்வை எதிர்கொண்டார்.
பரபரப்பாக நடைபெற்ற இப்போட்டியில், ஆரம்பம் முதலே ஆதிக்கம் செலுத்திய நிக் கிர்கியோஸ், 6-3, 6-0 என்ற நேர் செட் கணக்குகளில் வெற்றிபெற்று மூன்றாவது சுற்றுக்கு தகுதிபெற்றார்.
இதேபோல பெண்களுக்கான ஒற்றையர் பிரிவு இரண்டாவது சுற்றுப் போட்டியில், செக் குடியரசின் பெட்ரா கிவிட்டோவாவும், பிரான்ஸின் கிளாரா புரலும் பலப்பரீட்சை நடத்தினர்.
விறுவிறுப்பாக நடைபெற்ற இப்போட்டியில், பெட்ரா கிவிட்டோவா, 6-1, 3-6, 6-3 என்ற நேர் செட் கணக்குகளில் வெற்றிபெற்று மூன்றாவது சுற்றுக்கு முன்னேறினார்.
இதுதவிர முன்னணி வீராங்கனைகளான கிரேக்கத்தின் மரியா சக்கரி மற்றும் அமெரிக்காவின் மெடிஸன் கீஸ் ஆகிய வீராங்கனைகள் தோல்வியடைந்து தொடரிலிருந்து வெளியேறினர்.
