இலங்கை மற்றும் அவுஸ்ரேலியக் கிரிக்கெட் அணிகளுக்கிடையிலான நான்காவது ஒருநாள் போட்டி, இரசிகர்கள் மத்தியில் பெரும் எதிர்பார்ப்பை தூண்டியுள்ளது.
இந்த நிலையில், இப்போட்டியானது கொழும்பு- ஆர்.பிரேமதாஸ மைதானத்தில் இன்று (செவ்வாய்க்கிழமை) நடைபெறவுள்ளது.
மதியம் 2.30 மணிக்கு ஆரம்பமாகவுள்ள இப்போட்டியில் இலங்கை கிரிக்கெட் அணிக்கு தசுன் சானகவும், அவுஸ்ரேலியக் கிரிக்கெட் அணிக்கு ஆரோன் பின்ஞ்சும் தலைமை தாங்கவுள்ளனர்.
ஐந்துப் போட்டிகள் கொண்ட ஒருநாள் தொடரில் 2-1 என்ற கணக்கில் இலங்கை கிரிக்கெட் அணி முன்னிலைப் பெற்றுள்ளது.
இன்று நடைபெறும் நான்காவது ஒருநாள் போட்டியில் வெற்றிபெறும் பட்சத்தில், இலங்கை அணி தொடரை வெல்லும்.
