நியூஸிலாந்து அணிக்கெதிரான முதலாவது ஒருநாள் போட்டியில், மேற்கிந்திய தீவுகள் அணி 5 விக்கெட்டுகளால் வெற்றிபெற்றுள்ளது.
பார்படோஸில் நேற்று நடைபெற்ற இப்போட்டியில், நாணய சுழற்சியில் வெற்றிபெற்ற மேற்கிந்திய தீவுகள் அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய நியூஸிலாந்து அணி, 45.2 ஓவர்கள் நிறைவில் அனைத்து விக்கெட்டுகளையும் இழந்து 190 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, வில்லியம்சன் 34 ஓட்டங்களையும் பிரெஸ்வெல் 31 ஓட்டங்களையும் பெற்றுக்கொண்டனர்.
மேற்கிந்திய தீவுகள் அணியின் பந்துவீச்சில், அகீல் ஹொசைன் மற்றும் அல்சார்ரி ஜோசப் ஆகியோர் தலா 3 விக்கெட்டுகளையும் ஹோல்டர் 2 விக்கெட்டுகளையும் கெவீன் சின்கிளாயர் மற்றும் கரிஹா ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 191 என்ற வெற்றி இலக்கை நோக்கி பதிலுக்கு களமிறங்கிய மேற்கிந்திய தீவுகள் அணி, 39 ஓவர்கள் நிறைவில் 5 விக்கெட்டுகள் இழப்புக்கு வெற்றி இலக்கை கடந்தது. இதனால், மேற்கிந்திய தீவுகள் அணி 5 விக்கெட்டுகளால் வெற்றிபெற்றது.
இதன்போது அணியின் அதிகப்பட்ச ஓட்டங்களாக, புரூக்ஸ் 79 ஓட்டங்களையும் நிக்கோலஸ் பூரான் 28 ஓட்டங்களையும் பெற்றுக்கொண்டனர்.
நியூஸிலாந்துக் கிரிக்கெட் அணியின் பந்துவீச்சில், ட்ரெண்ட் போல்ட் மற்றும் டிம் சவுத்தீ ஆகியோர் தலா 2 விக்கெட்டுகளையும் மிட்செல் சான்ட்னர் 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக, மேற்கிந்திய தீவுகள் அணியின் சார்பாக 91 பந்துகளில் ஒரு சிக்ஸர் 9 பவுண்ரிகள் அடங்களாக 79 ஓட்டங்களை பெற்றுக்கொண்ட புரூக்ஸ் தெரிவுசெய்யப்பட்டார்.
