பங்களதேஷை வீழ்த்தி அடுத்த சுற்றுக்கு முன்னேறியது இலங்கை

ஆசிய கிண்ண கிரிக்கட் போட்டியின் இன்றைய(01) போட்டியில் இலங்கை அணி 02 விக்கட்டுக்களால் வெற்றி பெற்று அடுத்த சுற்றுக்கு முன்னேறியுள்ளது.

போட்டியின் முதலில் துடுப்பாடிய பங்களாதேஸ் அணி, 20 ஓவர்களில் 7 விக்கட் இழப்பிற்கு 183 ஓட்டங்களை பெற்றது.

இதனைத் தொடர்ந்து 184 என்ற வெற்றியிலக்கினை நோக்கி துடுப்பாடிய இலங்கை அணி, 19.2 ஓவர்கள் நிறைவில் 184 ஓட்டங்களை பெற்று வெற்றி பெற்றுள்ளது.

இலங்கை அணி சார்பில் குசால் மென்டிஸ் 60 ஓட்டங்களையும், தசுன் சானக்க 45 ஓட்டங்களையும் பெற்றுக்கொடுத்திருந்தனர்.

இந்த வெற்றியின் ஊடாக சுப்பர் 4 சுற்றுக்குள் இலங்கை அணி மூன்றாவது அணியாக முன்னேறியுள்ளது.