கட்டார் ஃபிஃபா கால்பந்து உலகக்கிண்ணம்: பிரான்ஸ்- இங்கிலாந்து அணிகள் காலிறுதிக்கு முன்னேற்றம்!

கட்டார் ஃபிஃபா கால்பந்து உலகக்கிண்ணத் தொடரின், ரவுண்ட்-16 சுற்றுப் போட்டிகளில் வெற்றிபெற்று பிரான்ஸ் மற்றும் இங்கிலாந்து அணிகள் காலிறுதிக்கு முன்னேறியுள்ளன.

அல் துமானா விளையாட்டரங்கில் நடைபெற்ற ரவுண்ட்-16 சுற்றுப் போட்டியில், நடப்பு சம்பியன் பிரான்ஸ் அணியும் போலந்து அணியும் மோதின.

இப்போட்டியில், பிரான்ஸ் அணி 3-1 என்ற கோல்கள் கணக்கில் வெற்றிபெற்று காலிறுதிக்கு முன்னேறியது.

இதேபோல, அல் பைட் விளையாட்டரங்கில் நடைபெற்ற ரவுண்ட்-16 சுற்றுப் போட்டியில், இங்கிலாந்து அணியும் செனகல் அணியும் பலப்பரீட்சை நடத்தின.

இப்போட்டியில், இங்கிலாந்து அணி 3-0 என்ற கோல்கள் கணக்கில் சிறப்பான வெற்றியை பெற்று காலிறுதிக்கு தகுதிபெற்றது.

எதிர்வரும் 11ஆம் திகதி அல் பைட் விளையாட்டரங்கில் நடைபெறவுள்ள காலிறுதியில் இங்கிலாந்து அணியும் பிரான்ஸ் அணியும் மோதவுள்ளன.