அவுஸ்ரேலியா மற்றும் மேற்கிந்திய தீவுகள் அணிகளுக்கிடையிலான, இரண்டாவது டெஸ்ட் போட்டியின் இரண்டாவது நாள் ஆட்டம் நிறைவுக்கு வந்துள்ளது.
இதன்படி தற்போது முதல் இன்னிங்ஸிற்காக துடுப்பெடுத்தாடிவரும் மேற்கிந்திய தீவுகள் அணி, 4 விக்கெட்டுகள் இழப்புக்கு 102 ஒட்டங்களை பெற்றுள்ளது.
ஆட்டநேர முடிவில், டேகனரின் சந்தர்பால் ஆட்டமிழக்காது 47 ஓட்டங்களுடனும் ஆண்டர்சன் பிலிப் ஒரு ஓட்டத்துடனும் ஆட்டமிழக்காது களத்தில் இருந்தனர்.
அவுஸ்ரேலியக் கிரிக்கெட் அணியின் முதல் இன்னிங்ஸ் 511 ஓட்டங்களுடன் ஒப்பிடுகையில், மேற்கிந்திய தீவுகள் அணி, 409 ஓட்டங்கள் பின்னிலையில் உள்ளது.
அடிலெய்ட்- ஓவல் மைதானத்தில் நேற்று (வியாழக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற அவுஸ்ரேலியா அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய அவுஸ்ரேலியா அணி, 7 விக்கெட்டுகள் இழப்புக்கு 511 ஓட்டங்களை பெற்றிருந்த போது, தனது முதல் இன்னிங்ஸ் ஆட்டத்தை இடைநிறுத்திக்கொண்டது.
இதன்போது அணியின் அதிகப்பட்ச ஓட்டங்களாக, ட்ராவிஸ் ஹெட் 175 ஓட்டங்களையும் மார்னஸ் லபுஸ்சேகன் 163 ஓட்டங்களையும் பெற்றுக்கொண்டனர்.
மேற்கிந்திய தீவுகள் அணியின் பந்துவீச்சில், அல்சார்ரி ஜோசப் மற்றும் டெவோன் தோமஸ் ஆகியோர் தலா 2 விக்கெட்டுகளையும் ஹோல்டர் மற்றும் ப்ரத்வெயிட் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து பதிலுக்கு முதல் இன்னிங்சை தொடங்கிய மேற்கிந்திய தீவுகள் அணி, இன்றைய இரண்டாவது நாள் ஆட்டநேர முடிவில், 4 விக்கெட்டுகள் இழப்புக்கு 102 ஒட்டங்களை பெற்றுள்ளது.
இன்னமும் 6 விக்கெட்டுகள் வசமுள்ள நிலையில், போட்டியின் மூன்றாம் நாள் ஆட்டத்தை மேற்கிந்திய தீவுகள் அணி நாளை தொடரவுள்ளது.
