நடைபெற்றுவரும் சிம்பாப்வே அணிக்கெதிரான முதல் டெஸ்டில் துடுப்பெடுத்தாடிவரும் மேற்கிந்திய தீவுகள் அணியின் ஆரம்ப துடுப்பாட்ட வீரரான டேகரின் சந்தர்பால் தனது முதல் இரட்டை சதத்தை பதிவுசெய்துள்ளார்.
26 வயதான டேகரின் டேகரின் சந்தர்பால், தான் அறிமுகமான மூன்றாவது போட்டியிலேயே இரட்டை சதம் அடித்து அசத்தியுள்ளார்.
அவர் 465 பந்துகளுக்கு 3 சிக்ஸர்கள் 16 பவுண்ரிகள் அடங்களாக ஆட்டமிழக்காது 200 ஓட்டங்களை கடந்த டேகரின் சந்தர்பால், முதல் இன்னிங்சை நிறைவுக்கு கொண்டுவரும் போது, 207 ஓட்டங்களுடன் ஆட்டமிழக்காது களத்தில் இருந்தார்.
இவர் அணியின் முன்னாள் நட்சத்திர துடுப்பாட்ட வீரரான சந்தர்பாலின் மகன் ஆவார். தனது துடுப்பாட்ட பாணி மூலம் கிரிக்கெட் இரசிகர்களை கவர்ந்த சந்தர்பாலின் அதே துடுப்பாட்ட பாணியை டேகரின் சந்தர்பாலும் பின்பற்றுவது குறிப்பிடத்தக்கது.
முதல் இன்னிங்ஸிற்காக துடுப்பெடுத்தாடிய மேற்கிந்திய தீவுகள் அணி, 6 விக்கெட்டுகள் இழப்புக்கு 447 ஓட்டங்களை பெற்றிருந்த போது, தனது முதல் இன்னிங்ஸ் ஆட்டத்தை இடைநிறுத்திக்கொண்டது. தற்போது சிம்பாப்வே அணி முதல் இன்னிங்ஸிற்காக துடுப்பெடுத்தாடி வருகின்றது.
