கொழும்பு மற்றும் யாழ் இந்துக் கல்லூரிகளுக்கு இடையிலான ”இந்துக்களின் 12ஆவது கிரிக்கெட் பெரும்சமர் 2023 புரிந்துணர்வு ஒப்பந்தத்தில் (MOU) கையெழுத்திடும் நிகழ்வு” நேற்று மாலை கொழும்பு 08 இல் உள்ள பி.சரவணமுத்து சர்வதேச கிரிக்கெட் மைதானத்தில் (P Sara Oval), நடைபெற்றது.
இந்நிகழ்வின் சிறப்பு விருந்தினராக, இத்தொடரின் பிரதான அனுசரணையாளரான ஜனசக்தி குழுமத்தைச் சேர்ந்த திரு. ஷாஃப்டர்(Mr. Schaffter) கலந்து கொண்டிருந்தார்.
1981 ஆம் ஆண்டு ஆரம்பிக்கப்பட்ட இப்போட்டித் தொடரானது 1982 ஆம் ஆண்டுக்கு பின்னர் நாட்டில் நிலவிய சூழ்நிலை காரணமாக இடைநிறுத்தப்பட்டு பின்னர் மீண்டும் 2009 ஆம் ஆண்டு புத்துயிர் பெற்றது.
அந்த வகையில் கடந்த 11 தடவைகளில் 3 தடவைகள் கொழும்பு இந்துக் கல்லூரியும், ஒரு தடவை யாழ்ப்பாணம் இந்துக் கல்லூரியும் வெற்றிபெற்றுள்ளன. மீதமுள்ள 7 போட்டிகள் சமநிலையில் முடிவடைந்துள்ளமை குறிப்பிடத்தக்கது.
