அல்ஜீரியாவில் கடந்த புதன் கிழமை பயணிகள் பேருந்தொன்று வேகக்கட்டுப்பாட்டை இழந்து காரொன்றின் மீது மோதி விபத்துக்குள்ளானதில் 32 பேர் உடல்கருகி உயிரிழந்துள்ளனர்.
தலைநகர் அல்ஜியர்ஸிலிருந்து தெற்கே சுமார் 2,000 கிலோமீற்றர் தொலைவில் உள்ள டமன்ராசெட் பகுதிக்கு அருகேயே அதிகாலை 4மணியளவில் இவ்விபத்து இடம்பெற்றுள்ளது.
இவ்விபத்தின்போது பேருந்து தீப்பிடித்து எரியத் தொடங்கியதாகவும், இதனால் 32 பயணிகள் சம்பவ இடத்திலேயே உடல் கருகி உயிரிழந்தனர் எனவும் 12 படுகாயமடைந்த நிலையில் வைத்திய சாலையில் சிகிச்சை பெற்று வருகின்றனர் எனவும் தெரிவிக்கப்பட்டுள்ளது.
