கொழும்பில் இலங்கை விமானப்படையினர் ஏற்பாடு செய்யும் மாபெரும் கண்காண்ட்சி நிகழ்ச்சி அடுத்த மாதம் 29 ஆம் திகதி ஆரம்பமாகவுள்ளது.
அதன்படி மே மாதம் 29 ஆம் திகதி முதல் ஜீன் மாதம் இரண்டாம் திகதிவரை 5 நாட்கள் இந்த கண்காட்சி கொழும்பு காலிமுகத்திடலிலும் கொழும்பு துறைமுக நகரத்திலும் நடைபெறுகின்றது.
சுற்றுலாத்துறையை ஊக்குவிக்கும் வகையிலும் தொழில் தேடுபவர்களுக்கு சிறந்த தளத்தை ஏற்படுத்தி கொடுக்கும் வகையிலும் இந்த கண்காட்சி நகழ்ச்சி நடைபெறுகின்றது.
5 நாட்கள் நடைபெறும் இந்த கண்காட்சிக்கு வெளிநாட்டு சுற்றுலாப்பயணிகள் அதிகளவில் வருவார்கள் என எதிர்பார்ப்பதாகவும் இதற்காக விசேட ஏற்பாடுகள் செய்யப்பட்டுள்ளதாகவும் விமானப்படை கூறியுள்ளது.
அத்துடன் உள்ளூர், சர்வதேச விமான நிகழ்ச்சிகளும் பாதுகாப்பு தொழில் கண்காட்சி, ஸ்கை டைவிங் உள்ளிட்ட சாகச நிகழ்ச்சிகளும் இதன்போது முன்னெடுக்கப்படும் என விமான படை அறிவித்துள்ளது.
மேலும் இதன் ஒருபகுதியாக இளைஞர்களை கவரும் வகையில் இசை நிகழ்ச்சிகளையும் சாகச மற்றும் நீர் விளையாட்டுக்கள், ஆடை அலங்கார அணிவகுப்பு என்பனவும் நடைபெறுகின்றவுள்ளமையும் குறிப்பிடத்தக்கது.
