வவுனியா- பம்மடுவ பிரதேச சபை காணியில் உள்ள கிணறு ஒன்றில் இருந்து 2298 T-56 ரக துப்பாக்கி தோட்டாக்கள் கண்டுபிடிக்கப்பட்டுள்ளதாக பூவரசங்குளம் பொலிஸார் தெரிவித்துள்ளனர்
வவுனியா நீதவான் நீதிமன்ற உத்தரவின் பேரில் பூவரசங்குளம் பொலிஸாரும் பொலிஸ் விசேட அதிரடிப்படையினரும் இணைந்து கிணற்றை பரிசோதித்த வேளையில் நீண்டகாலமாக அபிவிருத்தி செய்யப்படாமல் உள்ள பழைய கிணற்றை சுத்தப்படுத்தும் பணியில் ஈடுபட்டிருந்த ஊழியர்கள் கண்டெடுத்துள்ளதாக பொலிஸார் தெரிவித்தனர்.
கண்டுபிடிக்கப்பட்ட துப்பாக்கி தோட்டாக்கள் இறுதி யுத்தத்தின் போது அந்த இடத்தில் இராணுவ முகாம் இருந்ததாகவும், அந்த முகாமில் பயன்படுத்தப்பட்ட துப்பாக்கிகள் கிணற்றில் இருந்திருக்கலாம் என சந்தேகிக்கப்படுவதாகவும் பொலிஸார் தெரிவித்துள்ளனர்.
