முழு நாடும் ஜனாதிபதி ரணில் விக்ரமசிங்கவின் பக்கமே உள்ளது என அமைச்சர்
நிமல் சிரிபால டி சில்வா தெரிவித்துள்ளதார்.
பதுளையில் இடம்பெற்ற ‘ரணிலால் இயலும்’ பேரணியில் கலந்து கொண்டு உரையாற்றிய போதே அவர் இவ்வாறு தெரிவித்துள்ளார். இது குறித்து அவர் மேலும் தெரிவித்துள்ளதாவது” பதுளை மக்கள் ரணிலின் வெற்றியை உறுதிப்படுத்துவதில் உறுதியாக உள்ளனர். முழு நாடும் ரணிலுடன்தான் இருக்கிறது. நாம் வீடு வீடாக பிரச்சாரம் செய்தோம்.
நாம் செல்வதற்கு முன்னரே மக்கள் உங்களுக்கு வாக்களிக்க தீர்மானித்துவிட்டதாக கூறுகின்றனர். இந்த மாவட்டத்தில் மக்களுக்கு நாம் பாரிய சேவை செய்துள்ளோம். மஹிந்த ராஜபக்ஷவை வெல்ல வைக்க அநுரகுமார பாடுபட்டார். மேலும் சந்திரிகாவுடனும் அநுர ஒப்பந்தம் செய்தார்.
நல்லாட்சி காலத்தில் திருடனைப் பிடிக்கபோவதாக குறிப்பிட்டார். ஆனால் அவரால் ஒரு திருடனையும் பிடிக்க முடியவில்லை. முன்னாள் பிரதமர் மஹிந்த ராஜபக்ஷவை வெற்றிபெற வைப்பதற்கு அநுரகுமார கடந்த காலத்தில் பாடுபட்டிருந்தார்” இவ்வாறு நிமல் சிரிபால டி சில்வா தெரிவித்துள்ளதார்.
