சென்னையில் நடைபெற்று வரும் இங்கிலாந்து அணிக்கு எதிரான 2 ஆவது டெஸ்ட் போட்டியின் முதல் இன்னிங்ஸில் இந்தியா 329 ஓட்டங்களை குவித்துள்ளது.
சென்னை சேப்பாக்கம் மைதானத்தில் நேற்று 2ஆவது டெஸ்ட் போட்டி தொடங்கியது.
இந்த மைதானத்தில் நடைபெற்ற முதல் போட்டியில் இந்தியா படுதோல்வியடைந்த நிலையில் மிகவும் எதிர்பார்ப்புடன் 2ஆவது போட்டி நடந்து வருகிறது.
இதில் நாணய சுழற்சியில் வெற்றிபெற்ற இந்திய அணியின் தலைவர் விராட் கோலி துடுப்பெடுத்தாட தீர்மானித்தது. இந்தப் போட்டியின் முதல் இன்னிங்ஸில் தொடக்க ஆட்டக்காரரான சுப்மன் கில் டக் அவுட்டானார்.
புஜாரா 21 ஓட்டங்கள், கோலி டக் ஆவுட்டான நிலையில். ஆனால் ரோகித் சர்மா 161 ஓட்டங்களையும், ரஹானே 67 ஓட்டங்களையும் விளாசினர்.
இதனையடுத்து நேற்றைய நாள் ஆட்ட நேர இறுதியில் இந்தியா 6 விக்கெட் இழப்புக்கு 300 ஓட்டங்களை எடுத்திருந்தது. இந்நிலையில் இன்று இரண்டாவது நாள் ஆட்டம் தொடங்கியது.
இதில் ரிஷப் பன்ட் மட்டுமே சிறப்பாக விளையாடி இறுதி வரை ஆட்டமிழக்காமல் 58 ஓட்டங்களை எடுத்தார். இன்று காலை
ஏனைய துடுப்பாட்ட வீரர்கள் அடுத்தடுத்து ஆட்டமிழந்ததால் இந்தியா 329 ஓட்டங்களை பெற்றுக்கொண்டது.
இங்கிலாந்து அணியின் மொயின் அலி 4 விக்கெட்டும், ஒல்லி ஸ்டோன் 3 விக்கெட்டுகளையும் கைப்பற்றினர். இதனையடுத்து தற்போது இங்கிலாந்து அணி தனது முதல் இன்னிங்ஸை தொடங்கி விளையாடி வருகின்றது.
