இங்கிலாந்து மற்றும் நியூஸிலாந்து அணிகளுக்கிடையிலான முதலாவது டெஸ்ட் போட்டியின், இரண்டாம்நாள் ஆட்டம் நிறைவுக்கு வந்துள்ளது.
இதன்படி இரண்டாவது இன்னிங்ஸிற்காக துடுப்பெடுத்தாடிவரும் நியூஸிலாந்து அணி, நேற்றைய இரண்டாம்நாள் ஆட்டநேர முடிவில் 4 விக்கெட்டுகள் இழப்புக்கு 236 ஓட்டங்களை பெற்றுள்ளது.
ஆட்டநேர முடிவில், டொம் பிளெண்டல் 90 ஓட்டங்களுடனும் டேரில் மிட்செல் 97 ஓட்டங்களுடனும் களத்தில் இருந்தனர்.
இதன்படி, நியூஸிலாந்துக் கிரிக்கெட் அணியின் 227 ஓட்டங்கள் முன்னிலையில் உள்ளது.
லண்டன்- லோட்ஸ் மைதானத்தில் நேற்று முன் தினம் (வியாழக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற நியூஸிலாந்து அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய நியூஸிலாந்துக் கிரிக்கெட் அணி, முதல் இன்னிங்ஸிற்காக 132 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக, கொலிண் டி கிராண்ட்ஹோம் ஆட்டமிழக்காது 42 ஓட்டங்களையும் டிம் சவுத்தீ 26 ஓட்டங்களையும் பெற்றுக்கொண்டனர்.
இங்கிலாந்துக் கிரிக்கெட் அணியின் பந்துவீச்சில், ஜேம்ஸ் ஆண்டர்சன் மற்றும் மெட்டி பொட்ஸ் ஆகியோர் தலா 4 விக்கெட்டுகளையும் ஸ்டுவர்ட் பிரோட் மற்றும் பென் ஸ்டோக்ஸ் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து பதிலுக்கு முதல் இன்னிங்சை தொடங்கிய இங்கிலாந்து அணி 141 ஓட்டங்களுக்கு சுருண்டது.
இதில் அணியின் அதிகப்பட்ச ஓட்டங்களாக, ஸெக் க்ரெவ்லி 43 ஓட்டங்களுடனும் அலெக்ஸ் லீஸ் 25 ஓட்டங்களுடனும் ஆட்டமிழக்காது களத்தில் இருந்தனர்.
நியூஸிலாந்துக் கிரிக்கெட் அணியின் பந்துவீச்சில், டிம் சவுத்தீ 4 விக்கெட்டுகளையும் ட்ரெண்ட் போல்ட் 3 விக்கெட்டுகளையும் கெய்ல் ஜேமீஸன் 2 விக்கெட்டுகளையும் கொலின் டி கிராண்ட்ஹோம் 2 விக்கெட்டுகளையும் வீழ்த்தினர்.
இதனையடுத்து 9 ஓட்டங்கள் பின்னிலையில் தனது இரண்டாவது இன்னிங்சை தொடங்கிய நியூஸிலாந்து அணி, நேற்றைய இரண்டாம்நாள் ஆட்டநேர முடிவில் 4 விக்கெட்டுகள் இழப்புக்கு 236 ஓட்டங்களை பெற்றது.
இன்னமும் 6 விக்கெட்டுகள் வசமுள்ள நிலையில், போட்டியின் மூன்றாம்நாள் ஆட்டத்தை நியூஸிலாந்து அணி இன்று தொடரவுள்ளது.
