ரி-20 உலகக்கிண்ணத் தொடரின் சுப்பர்-12 சுற்றின் 17ஆவது போட்டியில், விளையாடிவரும் பங்களாதேஷ் அணி, நெதர்லாந்து அணிக்கு 145 ஓட்டங்களை வெற்றி இலக்காக நிர்ணயித்துள்ளது.
ஹோபர்ட் மைதானத்தில் தற்போது நடைபெற்றுவரும் இப்போட்டியில், நாணய சுழற்சியில் வெற்றிபெற்ற நெதர்லாந்து அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய பங்களாதேஷ் அணி, நிர்ணயிக்கப்பட்ட 20 ஓவர்கள் நிறைவில் 8 விக்கெட்டுகள் இழப்புக்கு 144 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, அபீப் ஹொசைன் 38 ஓட்டங்களையும் ஹொசைன் சந்தோ 25 ஓட்டங்களையும் பெற்றுக்கொண்டனர்.
நெதர்லாந்து அணியின் பந்துவீச்சில், போல் வான் மீகெரென் மற்றும் பாஸ் டி லீடே ஆகியோர் தலா 2 விக்கெட்டுகளையும் க்ளாசென், பிரிங்ல், செரீஸ் அஹமட் மற்றும் வன் பீக் ஆகியோர் தலா 1 விக்கெட்டினையும் வீழ்த்தினர்.
தற்போது 145 ஓட்டங்கள் என்ற வெற்றி இலக்கை நோக்கி, நெதர்லாந்து அணி துடுப்பெடுத்தாடி வருகின்றது.
