கட்டார் ஃபிஃபா கால்பந்து உலகக்கிண்ணத் தொடரின், குழுநிலைப் போட்டியில் பெல்ஜியம் அணி சிறப்பான வெற்றியை பதிவுசெய்துள்ளது.
குழு எஃப் பிரிவில், இலங்கை நேரப்படி இன்று (வியாழக்கிழமை) நடைபெற்ற இப்போட்டியில், பெல்ஜியம் அணியும் கனடா அணியும் மோதின.
அஹமட் பின் அலி விளையாட்டரங்கில் நடைபெற்ற இப்போட்டியில், பெல்ஜியம் அணி 1-0 என்ற கோல் கணக்கில் வெற்றிபெற்றது.
பெல்ஜியம் அணி சார்பில், மிச்சி பாட்சுவாய் போட்டியின் 44ஆவது நிமிடத்தில் இந்த வெற்றி கோலை அணிக்காக பெற்றுக்கொடுத்தார்.
இந்த வெற்றியின் மூலம் பெல்ஜியம் அணி, 3 புள்ளிகளுடன் குழு எஃப் பிரிவில், முதலிடத்தில் உள்ளது.
