லங்கா பிரீமியர் லீக் (LPL) ரி-20 தொடரின் நான்காவது பருவகாலத்துக்கான உத்தியோகபூர்வ தொலைகாட்சி பங்காளராக, எஸ்.பி.சி.யும் வானொலி பங்காளராக தமிழ் எப்.எம் வானொலியும் இணைந்துள்ளன.
இந்த மாத இறுதியில் கோலாகலமாக ஆரம்பமாகவுள்ள லங்கா பிரீமியர் லீக்கின் நான்காவது பருவகாலத்துக்கான போட்டிகள், ஜூலை மாதம் 30ஆம் திகதி முதல் எதிர்வரும் ஓகஸ்ட் மாதம் 20ஆம் திகதி வரை நடைபெறவுள்ளன.
கொழும்பு மற்றும் கண்டி மைதானங்களில் நடைபெறவுள்ள இத்தொடரின் போட்டிகள் மாலை 3 மணிக்கும் இரவு 7.30 மணிக்கும் ஆரம்பமாகுகின்றன.
இந்த தொடரில் லைக்காஸ் ஜப்னா கிங்ஸ், கொழும்பு ஸ்ட்ரைக்கஸ், தம்புள்ளை அவுரா, காலி டைட்டன்ஸ் மற்றும் பி லவ் கண்டி ஆகிய ஐந்து அணிகள் பங்கேற்கின்றன.
உலகெங்கும் பல இலட்ச இரசிகர்கள் பட்டாளத்தைக் கொண்டுள்ள லங்கா பிரீமியர் லீக் தொடரில், இதுவரை நடந்த மூன்று தொடர்களிலும் லைக்காஸ் ஜப்னா கிங்ஸ் அணியே சம்பியன் பட்டம் வென்றுள்ளமை குறிப்பிடத்தக்கது.
