கட்டார் ஃபிஃபா கால்பந்து உலகக்கிண்ணத் தொடரின், ரவுண்ட்-16 சுற்றுப் போட்டிகளில் வெற்றிபெற்று போர்த்துகல் மற்றும் மொராக்கோ அணிகள் காலிறுதிக்கு முன்னேறியுள்ளன.
எடிவுகோஷன் சிட்டி மைதானத்தில் நடைபெற்ற போட்டியில், மொராக்கோ அணியும் ஸ்பெயின் அணியும் பலப்பரீட்சை நடத்தின.
இப்போட்டியில், மொராக்கோ அணி 3-0 என்ற பெனால்டி சூட்-அவுட் முறையில் ஸ்பெயின் அணியை வீழ்த்தி காலிறுதிக்கு முன்னேறியது.
லுஸைல் மைதானத்தில் நடைபெற்ற போட்டியில், போர்த்துகல் அணியும் சுவிஸ்லாந்து அணியும் மோதின.
இப்போட்டியில், போர்த்துகல் அணி 6-1 என்ற கோல்கள் கணக்கில் வெற்றிபெற்று காலிறுதிக்கு முன்னேறியுள்ளது.
எதிர்வரும் 10ஆம் திகதி அல்துமானா மைதானத்தில் நடைபெறவுள்ள காலிறுதிப் போட்டியில், போர்த்துகல் அணியும் மொராக்கோ அணியும் பலப்பரீட்சை நடத்தவுள்ளன.
