மலையக புகையிரதத்தின் சமிக்ஞை அமைப்பில் ஏற்பட்ட கோளாறு காரணமாக இன்று காலை முதல் மலையக புகையிரத வீதியின் போக்குவரத்து கடுமையாக பாதிக்கப்பட்டுள்ளது என ரயில்வே திணைக்களம் தெரிவித்துள்ளது.
அதன்படி இடல்கசின்ன ஒஹியா அம்பேவெல பட்டிப்பொல புகையிரத நிலையங்களுக்கு இடையிலான சமிக்ஞை அமைப்பு முற்றாக தடைப்பட்டுள்ளது.
இதேவேளை, கொழும்பு – பதுளை மற்றும் பதுளை – கொழும்பு இரவு நேர அஞ்சல் புகையிரதங்களையும் இரத்து செய்ய தீர்மானிக்கப்பட்டுள்ளது.
மேலும் இன்றைய விசேட புகையிரதமும் இரத்து செய்யப்பட்டுள்ளதாக புகையிரத திணைக்களம் குறிப்பிட்டுள்ளது.
