இலங்கையில் நடைபெறவுள்ள போரா சமூகத்தின் வருடாந்த மாநாடு!

இலங்கையில் நடைபெறவுள்ள போரா சமூகத்தின் வருடாந்த மாநாட்டை வெற்றியடையச் செய்வதற்கு அதிகபட்ச ஆதரவை வழங்குமாறு அதிகாரிகளுக்கு ஜனாதிபதியின் சிரேஷ்ட ஆலோசகரும் ஜனாதிபதியின் பணிமனை பிரதானியுமான சாகல ரத்நாயக்க ஆலோசனை வழங்கியுள்ளார்

வருடாந்த போரா மாநாட்டின் ஜனாதிபதி அலுவலகத்தில் இடம்பெற்ற கலந்துரையாடலின் போதே ரத்நாயக்க இந்த அறிவுறுத்தல்களை வழங்கினார்.

பாகிஸ்தானின் கராச்சியில் நடைபெறவுள்ள போரா சமூகத்தினரின் ஆன்மீக மாநாட்டுடன் இணைந்து இந்த போரா மாநாடு எதிர்வரும் ஜுலை 7ஆம் திகதி முதல் 16ஆம் திகதி வரை பம்பலப்பிட்டி போரா தேவாலயத்திலும் இலங்கை கண்காட்சி மற்றும் மாநாட்டு நிலையத்திலும் நடைபெறவுள்ளது.

இந்த மாநாட்டுக்கு இந்தியா உள்ளிட்ட பல நாடுகளில் இருந்து சுமார் பதினைந்தாயிரம் போரா சமூகத்தினர் இந்நாட்டுக்கு வரவுள்ள நிலையில், அவர்களுக்கான விமான நிலைய வசதிகள் உள்ளிட்ட அனைத்து கட்டமைப்பு வசதிகளையும் செய்து தருவது குறித்து நீண்ட விவாதம் நடைபெற்றமையும் குறிப்பிடத்தக்கது.