பாகிஸ்தான் கிரிக்கெட் அணி, 2022-2023ஆம் ஆண்டுகளுக்கான கிரிக்கெட் போட்டி அட்டவணையை வெளியிட்டுள்ளது.
இதன்படி, பாகிஸ்தான் அணி 2022ஆம் ஆண்டு மார்ச் மாதம் முதல் 2023ஆம் ஆண்டு ஏப்ரல் மாதம் வரை அவுஸ்ரேலியா, இங்கிலாந்து, நியூஸிலாந்து ஆகிய அணிகளுடன் மொத்தம் 8 டெஸ்ட், 11 ஒருநாள் மற்றும் 13 ரி-20 போட்டிகளில் விளையாடவுள்ளது.
அதேநேரத்தில், நியூஸிலாந்து கிரிக்கெட் அணி அடுத்த ஆண்டு இரண்டு முறை பாகிஸ்தானுக்கு சுற்றுப்பயணம் மேற்கொள்ளவுள்ளது.
கடந்த செப்டம்பர் மாதம் நியூஸிலாந்து அணி, பாகிஸ்தானுக்கு சுற்றுப்பயணம் மேற்கொண்டு ரி-20 மற்றும் ஒருநாள் போட்டிகளில் மோத இருந்தது. பிறகு பாதுகாப்பு அச்சுறுத்தல் காரணமாக பாகிஸ்தானுக்கு எதிரான ஒருநாள் போட்டி தொடங்குவதற்கு முன்பே சுற்றுப்பயணத்தை இரத்து செய்துவிட்டு நாடு திரும்பியது.
இந்நிலையில் நியூஸிலாந்து அணி, இரத்து செய்த போட்டிகளையும் சேர்ந்து அடுத்த ஆண்டு டிசம்பர் மாதம், 2023ஆம் ஆண்டு ஏப்ரல் மாதம் என இரண்டு முறை பாகிஸ்தானுக்கு சுற்றுப்பயணம் மேற்கொள்ளவுள்ளது.
