களுகங்கை பெருக்கெடுத்து ஓடுவதால் இங்கிரியை அண்மித்த நம்பப்பன பிரதேசம் கடும் வெள்ள அபாயத்தை எதிர்நோக்கியுள்ளதுடன், இதன் காரணமாக இரத்தினபுரி – பாணந்துறை பிரதான வீதியின் போக்குவரத்து முற்றாக ஸ்தம்பிதமடைந்துள்ளது.
இதன்படி, இரத்தினபுரி – பாணந்துறை வீதியானது இங்கிரிக்கு அருகிலுள்ள நம்பப்பன பகுதியிலிருந்து தற்காலிகமாக மூடப்பட்டுள்ளது
அதன்படி இங்கிரியவைச் சூழவுள்ள பல தாழ்நிலப் பகுதிகள் தற்போது நீரில் மூழ்கியுள்ளதுடன், நம்பபான, உறுகல, திபுல்பொத, கலேகம போன்ற பிரதேசங்களில் உள்ள மக்கள் வெள்ளத்தினால் பாதிக்கப்பட்டுள்ளனர்.
மேலும் தற்போதைய நிலவரத்தை கருத்தில் கொண்டு இங்கிரிய பொலிஸ், பிரதேச செயலகம், ஹொரண பிரதேச சபை, விசேட அதிரடிப்படை அதிகாரிகள் மற்றும் அரச துறை அதிகாரிகள் உள்ளூர் மக்களுடன் இணைந்து மக்களுக்கு நிவாரணம் வழங்குவதுடன், ஹொரணை பிரதேச சபை படகு சேவையையும் முன்னெடுத்துள்ளமை குறிப்பிடத்தக்கது.
