Chrome Badge
athavannews.png
Athavan News switch to mobile site switch to desktop site

கூந்தலுக்கு அழகு சேரக்கும் மாம்பழம்…!

In
Updated: 08:44 GMT, Apr 25, 2016 | Published: 08:43 GMT, Apr 25, 2016 |
0 Comments
1321
This post was written by : Shailu

முக்கனிகளில் மட்டுமல்ல அழகுக்கு அழகு சேர்ப்பதிலும் முதலிடம் மாம்பழத்துக்குத்தான்.அந்த வகையில், கூந்தல் பிரச்சினைக்கு மாம்பழம் எவ்வாறு நிவாரணி வழங்குகிறது என்று பார்க்கலாம்.

மா விதையின் உள்ளே இருக்கும் பருப்புக்கு கூந்தல் வளர்ச்சியில் முக்கிய பங்கு இருக்கிறது. மா விதையின் பருப்பை அரைத்த விழுது, வெண்ணெய் போல இருப்பதால் இதை ‘மேங்கோ பட்டர்’ என்று சொல்வார்கள். இது, தலை முடிக்கு கண்டிஷனராக செயல்படுகிறது.

சிலருக்கு முன்பக்க முடி உதிர்ந்து, வழுக்கை ஏற்பட்டிருக்கும். இதற்கு, ஒரு டேபிள்ஸ்பூன் மேங்கோ பட்டர் (அ) முற்றிய மாம்பழ சதையுடன் வேப்பம்பூ சேர்த்து அரைத்த விழுது, விளக்கெண்ணெய் ஒரு டேபிள்ஸ்பூன் கலந்து, தலையில் தேய்த்து மசாஜ் செய்ய வேண்டும். பிறகு பயத்தமாவு, கடலை மாவு, சீயக்காய் பொடி மூன்றையும் சம அளவு கலந்து தலைக்குத் தேய்த்து குளிக்க வேண்டும். வாரம் இரண்டு முறை இப்படிச் செய்து வந்தால் முடி உதிர்வது நின்று, முன்புறம் முடி வளர ஆரம்பிக்கும்.

மேங்கோ பட்டர், நல்லெண்ணெய், தேங்காய் எண்ணெய், விளக்கெண்ணெய்.. இந்த நான்கையும் சம அளவில் கலந்து மிக்ஸியில் அடித்து வெயிலில் வைத்து எடுக்கவும். இதை தலையில் பத்து போல் போட்டு 15 நிமிடம் ஊறவிடவும். பிறகு, சம அளவில் வெந்தயம், பயத்தம்பருப்பை கலந்து ஊற வைத்து அரைத்த விழுதைத் தேய்த்து தலைக்கு குளித்தால், பொடுகுத்தொல்லை இருக்காது. பொடுகால் முடி உதிர்வது நின்று, கூந்தலும் பளபளக்கும்!

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg