Chrome Badge
athavannews.png
Athavan News switch to mobile site switch to desktop site

கோடிக்கணக்கில் கொடுத்தாலும் ரொனால்டொவை ஏலம்பெற முடியாது: ஜோஸ் மென்டிஸ்

In உதைப்பந்தாட்டம்
Updated: 09:53 GMT, Dec 30, 2016 | Published: 09:53 GMT, Dec 30, 2016 |
0 Comments
1607
This post was written by : Sambavi

பெயர் வெளியிடப்படாத ஒரு சீன கால்பந்து கழகம் பல கோடி ரூபாய் கொடுத்தேனும், போர்த்துக்கல் கால்பந்து வீரர் கிறிஸ்றியானோ ரொனால்டோவை ஏலம் பெற மேற்கொண்ட முயற்சி தோல்வியடைந்துள்ளது என்று ரொனால்டோவின் முகவர் தெரிவித்துள்ளார்.

ரொனால்டோவின் கழக ஒப்பந்தங்களிற்கு பொறுப்பாக செயற்படும் அவரது முகவர் ஜோஸ் மென்டிஸ் இது தொடர்பில் மேலும் தெரிவிக்கையில்,

பெயர் வெளியிடப்படாத ஒரு சீன கால்பந்து கழக நிறுவனம், ரியல் மான்டிட் அணிக்காக விளையாடிவரும் ரொனால்டோவை 250 மில்லியன் யூரோக்கள் கொடுத்து ஏலத்தில் பெற முயற்சி செய்தது. அத்துடன் வருடம் தோறும் 85 மில்லியன் யூரோக்களை சம்பளமாகக் கொடுப்பதற்கும் சம்மதித்திருந்தது.

இருந்த போதிலும் ரொனால்டோ ரியல் மாட்ரிட்டை விட்டு விலகுவதற்கு மறுத்துள்ளார் என்று தெரிவித்துள்ளார்.

மேலும், ‘சீனாவின் புதிய கால்பந்து கழகத்தினால் அதிக தொகை கொடுத்து எத்தனை வீரர்களையேனும் பெற முடியும். ஆனால் கிறிஸ்றியானோ ரொனால்டொவை அவர்களால் ஒருபோதும் பெற முடியாது. அதேவேளை, பணம் என்பது ரொனால்டொவிற்கு முக்கியமல்ல. ஸ்பெய்னின் கழக அணியாக ரியல் மாட்ரிட் அவருடைய வாழ்க்கை’ என தெரிவித்துள்ளார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg