Chrome Badge
athavannews.png
Athavan News switch to mobile site switch to desktop site

ஊடக சுதந்திரம் கொலை செய்யப்பட்டு இன்றுடன் ஒன்பது வருடங்கள்!

In இலங்கை
Updated: 06:47 GMT, Jan 8, 2018 | Published: 06:10 GMT, Jan 8, 2018 |
0 Comments
1339
This post was written by : Anojkiyan

படுகொலைசெய்யப்பட்ட ஊடகவியலாளர் லசந்த விக்கிரமதுங்கவின் ஒன்பதாவது நினைவுத் தினம் இன்று (திங்கட்கிழமை) உண்மைகள் அறுவடை செய்ய விரும்புகின்ற தரப்புகளால் அனுஷ்டிக்கப்பட்டு வருகின்றன.

அவரது நினைவுத் தினத்தை முன்னிட்டு பொரளையில் அமைந்துள்ள அன்னாரது கல்லறையில், பல தரப்புகளாலும் அஞ்சலி நிகழ்வுகள் இடம்பெற்று வருகின்றன.

இதன் ஒரு கட்டமாக லசந்த விக்கிரமதுங்வின் உறவினர்கள் மற்றும் நண்பர்கள் அவரது கல்லறையில் பூங்கொத்து வைத்து மெழுவர்த்தி ஏற்றி அஞ்சலி செலுத்தினர். இதனைதொடர்ந்து அமைச்சர் ரவி கருணாநாயக்க, இலங்கைக்கான அமெரிக்க பிரதித்தூதுவர் ரொபர்ட் ஹில்டன் ஆகியோரும் அஞ்சலி செலுத்தினர்.

கடந்த 2008ஆம் ஆண்டு ஜனவரி மாதம் 8ஆம் திகதி அலுவலகத்திற்கு சென்றுகொண்டிருந்த வேளை, சண்டே லீடர் பத்திரிகையின் ஸ்தாபக ஆசிரியர் லசந்த விக்ரமதுங்க சுட்டுக்கொல்லப்பட்டார்.

இக்கொலையுடன் கடந்த ஆட்சியாளர்களே தொடர்புபட்டுள்ளனர் என்று சந்தேகிக்கப்படும் நிலையில், குற்றப்புலனாய்வுப் பிரிவினர் விசாரணைகளை முன்னெடுத்து வருகின்றனர்.

இந்நிலையில், உக்ரைன் நாட்டுடன் மஹிந்த அரசாங்கம் மேற்கொள்ளவிருந்த முறைகேடான ஒப்பந்தம் ஒன்று தொடர்பில் ஊடகவியலாளர் லசந்த அறிந்திருந்ததாகவும் குறித்த ஒப்பந்தம் கைச்சாத்திடுவதற்கு முன்னர் அவர் கொலை செய்யப்பட்டு விட்டதாகவும் அமைச்சர் ராஜித சோனரத்ன நேற்று கூறியிருந்தமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg