Chrome Badge
athavannews.png
Athavan News switch to mobile site switch to desktop site

ஆலயத்தின் தத்துவம்

In ஆன்மீகம்
Updated: 10:58 GMT, Mar 19, 2016 | Published: 10:58 GMT, Mar 19, 2016 |
0 Comments
1312
This post was written by : Anojkiyan

இறைவன் எங்கும் நிறைந்திருக்கிறான். தூணிலும், துரும்பிலும் கூட இறைவன் இருக்கிறான். அப்படிப்பட்ட இறைவனை வழிபட கோயிலுக்கு எதற்காக செல்ல வேண்டும்? ஆலய வழிபாடு சிறப்பாக சொல்லப்பட்டுள்ளது ஏன் என்ற எண்ணம் மனதில் எழலாம்.

காற்று எங்கும் நிறைந்துள்ளது. அது வீசாத இடமே கிடையாது. இருந்தாலும் கார், சைக்கிள் டயருக்கு காற்றடிக்க வேண்டும் என்றால் என்ன செய்கிறோம்? பம்பின் உதவியை நாடுகின்றோம் அல்லது காற்று பிடித்து வைக்கப்பட்டுள்ள கருவியை நாடுகிறோம். இல்லாவிடில் டயர்களில் காற்றை நிரப்ப முடியாது.

அது போல இறைவன் எங்கும் இருந்தாலும் பக்தியால் மனம் ஒருமைப்படவே கோயிலுக்குச் சென்று இறைவனை வணங்குகிறோம். நமக்குப் பிடித்த உருவில் இறைவனை வழிபடுகிறோம். பாலில் நெய் மறைந்திறிப்பதை போல எல்லா இடங்களிலும் இறைவன் நிறைந்து மறைந்திருக்கிறான். கடைந்த தயிரில் வெண்ணை திரண்டு வருவதைப் போல, ஞானிகள் உள்ளத்திலும், திருக்கோயிலிலும் இறைவன் விளங்கிக் காட்சி அளிக்கிறான்.

கொடிய வெயிலில் ஒரு துணி வைத்தால், அந்த துணி வெதும்புமேயன்றி, வெந்து சாம்பலாகாது. வெயிலில் சூரிய காந்தக் கண்ணாடியை வைத்து அதன் கீழே குவிந்து வரும் சூடான கதிரில் துணியை வைத்தால் அது கருகி சாம்பலாகி விடுகிறது. நேர் வெயிலுக்கு இல்லாத ஆற்றல், சூரிய காந்தத் கண்ணாடியின் கீழே வரும் வெயிலுக்கு உண்டு. பசுவின் உடல் முழுவதும் பால் நிறைந்து இருந்தாலும் பாலைப் பெற விரும்புகிறவன் கொம்பையோ, வாலையோ பிடித்து இழுத்தால் பால் கிடைப்பதில்லை. மடியை வருடினால் தான் பால் கிடைக்கிறது.

அது போல ஆலயத்தில் உள்ள தெய்வ திரு உருவங்கள், பசுவின் மடியைப் போன்றவை. அங்கே போனதும் பக்தி உணர்வு சுரந்துவிடும். மனம் உருகி வழிபட்டு இறைவன் திருவருளைப் பெற எளிதாகிவிடும்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg