Chrome Badge
athavannews.png
Athavan News switch to mobile site switch to desktop site
தலைப்பு செய்திகள்

கிழக்கு மாகாண சுற்றுலாத்துறை வளர்ச்சிக்கு அவுஸ்திரேலியா நிதியுதவி

In இலங்கை
Updated: 09:59 GMT, Jan 12, 2017 | Published: 09:15 GMT, Jan 12, 2017 |
0 Comments
1239
icon_com
This post was written by : Vithushagan
unnamed

அவுஸ்திரேலிய  அரசாங்கத்தின்  நிதியுதவியுடன் கிழக்கு மாகாணத்தில் சுற்றுலாத்துறையை அபிவிருத்தி செய்யும் திட்டங்கள் ஆரம்பிக்கப்பட்டுள்ளதாக கிழக்கு மாகாண முதலமைச்சர் செய்னுலாப்தீன் நஸீர் அஹமட் தெரிவித்தார்.

கிழக்கின் சுற்றுலாத்துறையை  சகல  துறைகளிலும் அபிவிருத்தி செய்யும்   நோக்கில் முன்னெடுக்கப்படும்  திட்டத்தின் அங்குரார்ப்பண நிகழ்வு  (புதன்கிழமை) அவுஸ்திரேலிய  உயர்ஸ்தானிகரின்   உத்தயோகபூர்வ இல்லத்தில்  கிழக்கு மாகாண முதலமைச்சர்  தலைமையில் இடம்பெற்றது.

இந்த நிகழ்வில்  அவுஸ்திரேலிய உயர்ஸ்தானிகர் பிரயிஸ் ஹட்செசன் மற்றும் திறன்  அபிவிருத்தி, தொழிற் பயிற்சி  அமைச்சர் மஹிந்த  சமரசிங்ஹ ஆகியோரும் ஒருங்கிணைந்த  வளர்ச்சிக்கான   தொழிற்திறன்   திட்டத்தினை  அங்குரார்ப்பணம்  செய்துவைத்தனர்.

கிழக்கு மற்றும்  வட மத்திய  மாகாணங்களில் முன்னெடுக்கப்படவுள்ள இந்த திட்டத்தில் கிழக்கின்  அம்பாறை, மட்டக்களப்பு மற்றும் திருகோணமலை  ஆகிய மாவட்டங்களுக்கு முக்கியத்துவமளிக்கப்பட்டு இளைஞர்கள், மாற்றுத் திறனாளிகள் மற்றும் பெண்களுக்கு முன்னுரிமையளித்து  பல அபிவிருத்திட்டங்கள்  முன்னெடுக்கப்படவுள்ளதாக முதலமைச்சர் தெரிவித்தார்.

சுற்றுலாத்துறையை மேம்படுத்தும்  இந்த  திட்டத்தில்  கிழக்கு மாகாணத்தின்  பிரதான பிரச்சினையாக  காணப்படும்    வேலையில்லாப் பிரச்சினையை  முற்றாக ஒழிக்கும் ஒரு திட்டத்தில் ஒரு கட்டமாக இந்த திட்டம் கிழக்கு மாகாணத்தில்  முன்னெடுக்கப்படவுள்ளது,

சுற்றுலாத்துறையின் பெறுமானம் கொண்ட  சகல பிரிவுகளும்  நன்மையடையவுள்ளதுடன் உணவுப்  பொருள்  விநியோகத்தர்கள், கலைஞர்கள், விருந்துபசாரகர்கள், வதிவிட வழங்குநர்கள், வாடகை  வாகன சாரதிகள், மாவட்ட   திட்டமிடலாளர்கள், பூங்கா  காப்பாளர்கள், கைத்தொழில் ஒருங்கிணைப்பாளர்கள், வர்த்தக சம்மேளனத்தினர்   ஆகியோர்  இதன்  மூலம்  பாரிய நன்மையடைவுள்ளதாக கிழக்கு மாகாண முதலமைச்சர்  மேலும் குறிப்பிட்டார்.

இலங்கையின்  ஒளிமயமான  எதிர்காலத்திற்கு  அவுஸ்திரேலிய முழுமையான  ஆதரவை  வழங்கவுள்ளதுடன் கிழக்கின் வேலையில்லாப் பிரச்சினையை  தீர்ப்பதற்கு முழுமையான  ஒத்துழைப்பை  வழங்கவுள்ளதாகவும் அவுஸ்திரேலிய  உயர்ஸ்தானிகர் பிரயிஸ் ஹட்செசன் கிழக்கு முதலமைச்சரிடம் உறுதியளித்துள்ளார்.

unnamed (1)

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg