Chrome Badge
athavannews.png
Athavan News switch to mobile site switch to desktop site

ஆறுமுகநாவலரின் ‘கந்தபுராண வசனம்’ நூல் வெளியீடு!

In இலங்கை
Published: 13:32 GMT, Jul 19, 2017 |
0 Comments
1325
icon_com
This post was written by : Vithushagan

ஸ்ரீலஸ்ரீ ஆறுமுகநாவலர் படைத்தருளிய ‘கந்தபுராண வசனம்’ எனும் நூல்    இந்துசமய கலாசார அலுவல்கள் திணைக்களத்தால் நல்லூர் கந்தசுவாமி ஆலயத்தில் இன்று (புதன்கிழமை) காலை வெளியீட்டு வைக்கப்பட்டது.

இந்துசமய அலுவல்கள் அமைச்சர் என்ற வகையில் அமைச்சர் டி.எம்.சுவாமிநாதன் குறித்த நூலை வெளியிட்டு வைத்தார்.

சமஸ்கிருதத்திலிருந்து கச்சியப்ப சிவாச்சாரியாரால் தமிழில் மொழிபெயர்க்கப்பட்ட கந்தபுராணத்திற்கான எளிமையான உரையாக ஆறுமுகநாவலரால் எழுதப்பட்ட ‘கந்தபுராண வசனம்’ அமைந்துள்ளது. அவருக்குப் பின்னர் ஆறுமுக நாவலர் சபை 1981 ஆம் ஆண்டில் அந்த நூலைப் பதிப்பித்திருந்தது.

அதனைத் தொடர்ந்து 35 ஆண்டுகளின் பின்னர் சைவப்பிரகாச பதிப்பகத்தின் முயற்சியால் இந்து சமய கலாசார அலுவலகள் திணைக்களத்தால் இந்த நூல் பதிப்பித்து இன்று வெளியிடப்பட்டுள்ளது.

நிகழ்வில்,சின்மய மிஷன் சைதன்ய சுவாமிகள், நல்லூர் ஆதீன குருமுதல்வர் சேமசுந்தர பரமாச்சாரிய சுவாமிகள், தெல்லிப்பளை துர்காதேவி தேவஸ்தானத் தலைவர் ஆறு.திருமுருகன் உட்பட சமயப் பெரியார்கள் பலரும் கலந்துகொண்டிருந்தனர்.

2

Banner
toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg