Chrome Badge
athavannews.png
Athavan News switch to mobile site switch to desktop site

நிபுணத்துவம் உள்ளவர்களாலேயே மக்களுக்குச் சேவை செய்ய முடியும்: சத்தியலிங்கம்

In இலங்கை
Published: 11:21 GMT, Jan 10, 2018 |
0 Comments
1135
icon_com
This post was written by : Ravivarman
1-406

நிபுணத்துவம் உள்ளவர்களால் நீண்டகாலத் திட்டங்களைத் தயாரித்து மக்களுக்குக் கிடைக்கவேண்டிய அடிப்படைத் தேவைகள் குறித்த சேவைகளை வழங்கமுடியும் என வட மாகாணசபை உறுப்பினர் ப. சத்தியலிங்கம் தெரிவித்தார்.

வவுனியா, பண்டாரிக்குளத்தில் நகரசபைத் தேர்தலில் போட்டியிடும் தமிழ்த் தேசியக்கூட்டமைப்பு வேட்பாளர் க.சுமந்திரனை ஆதரித்து நேற்று (புதன்கிழமை) இடம்பெற்ற கூட்டத்தில் கலந்து கொண்டு உரையாற்றும் போதே அவர் இவ்வாறு தெரிவித்தார்.

அங்கு தொடர்ந்தும் உரையாற்றிய அவர், “உள்ளூராட்சி மன்ற பிரதிநிதிகளாக இருக்கவேண்டியவர்கள் யார் என்பது பிரச்சனையில்லை. படித்தவர்கள் விடய ஞானம் உள்ளவர்கள், நிபுணத்துவம் உள்ளவர்கள் இந்த சபையில் இருக்கும் போதுதான் நீண்டகால திட்டங்களை தயாரித்து அந்த சபையினூடாக மக்களுக்கு கிடைக்கவேண்டிய அடிப்படை தேவைகள் சேவைகளை வழங்கமுடியும்.

அதனூடாகவே ஏனைய நாடுகளில் உள்ள உள்ளூராட்சி மன்றங்கள்போல் எமது நாட்டிலும் சிறப்பாக செயற்பட முடியும். அதனைவிடுத்து படித்தவர்கள் படிக்காதவர்கள் என்று இல்லை.படிக்காத விடயஞானம் இல்லாதவர்கள்தான் உள்ளூராட்சி மன்றங்களுக்குப் போவதாக இருந்தால் நாடாளுமன்றத்தில் உள்ள எங்கள் மாவட்டத்தை சேர்ந்த சிலரும் பிரதேச சபைக்கே பொருத்தமானவர்கள்.

எனவே மக்கள் இதனை தீர்மானித்துக் கொள்ளவேண்டும். ஆனால் எங்கள் கட்சியை பொறுத்தவரை பிரதேசசபையோ, நகரசபையோ, மாகாணசபையோ, நாடாளுமன்றமோ விடயஞானமும் படித்தவர்களும் மக்களில் அக்கறை கொண்டவர்களும் தங்களது நேரத்தில் குறிப்பிட்ட நேரத்தை மக்களுக்காகச் செலவு செய்யக்கூடியவர்களும் ஊழல் அற்றவர்களும் உள்ளூராட்சி மன்றங்களுக்கு செல்லவேண்டும் என்பதில் உறுதியாக இருக்கின்றோம்” என அவர் மேலும் தெரிவித்தார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)