Chrome Badge
athavannews.png
Athavan News switch to mobile site switch to desktop site

மியன்மாருக்கு திரும்பிய ரோஹிங்கியா அகதிக் குடும்பம்

In உலகம்
Updated: 08:11 GMT, Apr 15, 2018 | Published: 08:11 GMT, Apr 15, 2018 |
0 Comments
1169
This post was written by : Suganthini

மியன்மாரின் ராஹினி மாநிலத்தில் நிலவிய வன்முறையால் பாதிக்கப்பட்டு பங்களாதேஷில் தஞ்சம் கோரியிருந்த ரோஹிங்கியா அகதிக் குடும்பமொன்று, தமது சொந்த இடத்துக்குத் திரும்பியுள்ளதாக, மியன்மார் அதிகாரிகள் தெரிவித்துள்ளனர்.

ராஹினி மாநிலத்தைச் சேர்ந்த ரோஹிங்கியா முஸ்லிம்களுக்கு எதிராக கடந்த ஓகஸ்ட் மாத இறுதியில் ஆரம்பித்த வன்முறை காரணமாக, ரோஹிங்கியா அகதிகள் சுமார் 7 லட்சம் பேர், அயல் நாடான பங்களாதேஷில் தஞ்சம் கோரியுள்ளனர்.

இவர்களைச் சொந்த இடங்களுக்குத் திருப்பியனுப்புவது தொடர்பாக, மியன்மார் மற்றும் பங்களாதேஷ் அதிகாரிகளுக்கிடையில் கடந்த வருட இறுதியில் புரிந்துணர்வு உடன்படிக்கை ஏற்படுத்தப்பட்டது. எனினும், தமது பாதுகாப்புக்கு உத்தரவாதம் இல்லாத பட்சத்தில், தமது சொந்த இடங்களுக்குத் திரும்பிச்செல்ல ரோஹிங்கியா அகதிகள் மறுத்துவருகின்றனர்.

இவ்வாறான நிலையில், 5 உறுப்பினர்களைக் கொண்ட குடும்பமொன்று ராஹினி மாநிலத்துக்கு முதன்முதலாக நேற்று (சனிக்கிழமை) திரும்பியுள்ளதுடன், இவர்களுக்குத் தேவையான நிவாரணப்பொருட்களை மீள்குடியேற்ற அமைச்சு வழங்கியுள்ளதாகவும், அதிகாரிகள் கூறியுள்ளனர்.

அத்துடன், மியன்மாரினுள் நுழையும் ரோஹிங்கியா அகதிகளைச் சரிபார்க்கும் நோக்கில், தேசிய விதிமுறை அட்டை வழங்கும் நடவடிக்கையை மியன்மார் அரசாங்கம் முன்னெடுத்துள்ள நிலையில், இந்தக் குடும்பத்துக்கு மேற்படி அட்டை வழங்கப்பட்டுள்ளதாகவும், அதிகாரிகள் கூறியுள்ளனர்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)