Chrome Badge
athavannews.png
Athavan News switch to mobile site switch to desktop site

இலங்கையை விட்டு தப்பி அமெரிக்க பொறியில் சிக்கிய ஜாலிய விக்ரமசூரிய

In இலங்கை
Updated: 07:49 GMT, May 28, 2018 | Published: 07:49 GMT, May 28, 2018 |
0 Comments
1902
This post was written by : Jeyachandran Vithushan

ஜாலிய விக்ரமசூரிய அமெரிக்காவை விட்டு வெளியேறுவதற்கு அமெரிக்க அதிகாரிகள் தடைவிதித்துள்ளதாக தகவல்கள் வெளியாகியுள்ள நிலையில் அவர் மீது அமெரிக்க நீதித்துறை இலஞ்ச குற்றச்சாட்டுகளைச் சுமத்தவுள்ளதாக தெரிவிக்கப்படுகின்றது.

முன்னாள் அமெரிக்கத் தூதுவர் ஜாலிய விக்ரமசூரியவுக்கு எதிராக FBI எனப்படும் சமஷ்டி விசாரணைப் பிரிவினால் மேற்கொள்ளப்பட்ட விசாரணைகளில் அடிப்படையில் அவர் மீது இலஞ்ச குற்றச்சாட்டு முன்வைக்கப்பட்டது.

இந்நிலையில், அமெரிக்க அதிகாரிகள் விடுத்த கோரிக்கையின் அடிப்படையில் இலங்கை வெளிவிவகார அமைச்சு அவருக்கு எதிரான வழக்கின் அடிப்படையில், அவருடைய இராஜதந்திர சிறப்புரிமையை நீக்கியது.

இருப்பினும் அவரை அமெரிக்காவை விட்டு வெளியேறுவதற்கு அமெரிக்க அதிகாரிகள் தடைவிதித்துள்ளதாகவும் கொழும்பு ஆங்கில பத்திரிகை ஒன்று செய்தியை வெளியிட்டுள்ளது.

கடந்த 2005 ஆம் ஆண்டு முதல் 2008 ஆம் ஆண்டு வரையில் லொஸ் ஏஞ்சல்ஸிக்கான துணைத்தூதராக இருந்த அவர், பின்னர் அமெரிக்காவுக்கான தூதுவராக பதவி உயர்த்தப்பட்டிருந்தார்.

இந்த காலப்பகுதியில், தூதரக காரியாலய சீரமைப்புக்கான ஒப்பந்த வழங்கலுக்காக அவர் 2 இலட்சத்து 45 ஆயிரம் டொலர்களை இலஞ்சமாக பெற்றுக் கொண்டதாக குற்றம் சுமத்தப்பட்டது.

இந்நிலையில் அவர் கட்டுநாயக்க விமான நிலையத்தில் கடந்த வருடம் (2017) கைது செய்யப்பட்டு நீதிமன்றத்தின் அனுமதிக்கமைய தனது கண்ணில் உள்ள பிரச்சினை தொடர்பில் சிகிச்சை பெற அமெரிக்கா சென்றிருந்த போதிலும், வழக்கு விசாரணைக்காக மீண்டும் இலங்கை திரும்பாத நிலையில் இலங்கை வெளிவிவகார அமைச்சு அவரது இராஜதந்திர சிறப்புரிமையை நீக்கியமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg