Chrome Badge
android.png
athavannews.png
Athavan Newsswitch to mobile siteswitch to desktop site
தலைப்பு செய்திகள்

கிரென்பெல் டவர் தீ விபத்து: உயிரிழப்பு எண்ணிக்கை அதிகரிப்பு

In
Published: 06:43 GMT, Jun 18, 2017 |
0 Comments
1334
This post was written by : Elakkiya

மேற்கு லண்டன் கிரென்பெல் டவர் தீ விபத்தில் குறைந்தது 58 பேர் உயிரிழந்திருக்கலாம் பொலிஸார் தகவல் வெளியிட்டுள்ளனர்.

பாரியளவில் உயிர் சேதத்தையும் சொத்து தேசத்தையும் ஏற்படுத்திய மேற்படி தீ விபத்தில் உயிரிழந்தவர்களின் எண்ணிக்கையை உறுதிப்படுத்த முடியவில்லை எனினும், தீ விபத்தில் சிக்கியவர்கள் உயிர்பிழைத்திருப்பதற்கு வாய்ப்பில்லையென தெரிவிக்கப்படுகின்றது.

இது குறித்து கருத்து தெரிவித்த பெருநகர பொலிஸ் தளபதி, “சம்பவத்தில் உயிரிழந்த 23 வயதுடைய மொஹமட் அல்ஹாஜலி என்பவரை அடையாளம் கண்டுள்ளோம். துரதிஷ்டவசமாக சம்பவத்தில் உயிரிழந்து அடையாளம் காணப்பட்ட முதல் நபர் இவராவார். மேலும், தீ விபத்து ஏற்பட்ட போது கட்டடத் தொகுதியில் இருந்ததாக கூறப்படும் 58 பேர் உயிரிழந்துவிட்டதாக கருதப்படுகின்றனர். இதனையிட்டு நான் கவலை அடைகின்றேன்.

கிரென்பெல் டவர் கட்டடத்தில் மீட்புப் படையினர் தொடர்ந்தும் பணியில் ஈடுபட்டுள்ளனர். தேடுதல் மற்றும் மீட்புப் பணிகள் நிறைவு பெறுவதற்கு குறிப்பிடத்தக்க நாட்கள் தேவை. படிப்படியான விரிவான தேடுதல் நடவடிக்கைகள் முன்னெடுக்கப்படும். விசாரணைகளும் முன்னெடுக்கப்பட்டுள்ளன” என்று தெரிவித்துள்ளார்.

இதேவேளை, தீ விபத்தில் உயிரிழந்தவர்களின் எண்ணிக்கை உறுதிப்படுத்தப்படுமாயின் அது இரண்டாம் உலகப்போரின் பின்னர் லண்டனில் ஏற்பட்ட பாரிய அழிவாக கருதப்படும் என்றும் அவர் குறிப்பிட்டுள்ளார்.

ஆதவன் செய்திகளை E-mail மூலம் பெற்றுக்கொள்ள பதிவுசெய்யுங்கள்.